Նշվեց Աստվածամոր վերափոխման տոնը
Օգոստոսի 13-ին Հայ Առաքելական Սուրբ Եկեղեցին նշում է Սուրբ Աստվածածնի վերափոխման տոնը: Արարատյան Հայրապետական թեմի առաջնորդանիստ Ս. Սարգիս եկեղեցում տոնական Սուրբ Պատարագը մատուցվեց առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանի հանդիսապետությամբ:
Պատարագիչը առաջնորդանիստ Ս. Սարգիս եկեղեցու խորհրդակատար, արժանապատիվ Տեր Շահե քահանա Հայրապետյանն էր։
Սուրբ Պատարագի ավարտին Սրբազան հոր նախագահությամբ կատարվեց Խաղողօրհնեքի կարգ, որից հետո խաղողը բաշխվեց հավատավոր ժողովրդին:
Շնորհավորելով Տիրամոր վերափոխման տոնի առիթվ՝ Սրբազան հայրն իր պատգամը փոխանցեց ներկա հավատացյալներին և մաղթեց, որպեսզի Սուրբ Մարիամ Աստվածածնի բարեխոսությամբ կատարվեն ամենքի իղձերն ու հաղթահարվեն կյանքի փորձությունները։
Ապա Նավասարդ Սրբազանը Պահպանիչ աղոթքով արձակեց հավատավոր ժողովրդին։
Արարատյան Հայրապետական թեմի տեղեկատվական բաժին
- 2023-08-13