Նախորդ
Գլխավոր

Արաքսավանում կատարվեց եկեղեցու հիմնարկեքի արարողություն

Այսօր ՝օգոստոսի 23-ին,  Արարատյան Հայրապետական թեմի Արաքսավան համայնքում Արմավիրի թեմի առաջնորդ գերաշնորհ Տ. Սիոն եպիսկոպոս Ադամյանի ձեռամբ օծվեցին եկեղեցու 16 հիմնաքարերը:  Սրբազան հորն ուղեկցում էին ԱՀԹ առաջնորդանիստ Ս. Սարգիս եկեղեցու խորհրդակատար Տ. Շահե քահանա Հայրապետյանը, Մխչյանի Ս. Հովհաննես եկեղեցու հոգևոր հովիվ Տ. Միքայել քահանա Նուրիջանյանը, Մարմարաշենի Ս. Գևորգ եկեղեցու հոգևոր հովիվ Տ. Թաթուլ քահանա Գասպարյանը, Ուկրաինայի թեմի Դոնեցկ և Լուգանսկ մարզերի հոգևոր հովիվ Տ. Հուսիկ քահանա Նուրիջանյանը, ԱՀԹ Առաջնորդանիստ Ս.Սարգիս եկեղեցու սպասավոր Հովհաննես սարկավագ Ներսեսյանը, Արմավիրի թեմի առաջնորդի օգնական Ավետիս սարկավագ Ժամկոչյանը:  

Արարողությանը ներկա էին Արարատի մարզպետ Ռուբեն Աբրահամյանը, եկեղեցու բարերար Արարատ Սայադյանը, համայնքների ղեկավարներ, գյուղի բնակիչներ, հյուրեր:   

Հիմնարկեքի արարողության ավարտին Տ. Սիոն Սրբազանն ընթերցեց ԱՀԹ առաջնորդական փոխանորդ Տ. Նավասարդ արքեպիսկոպոսի ուղերձն, ուր մասնավորապես ասվում է. «Սիրելի՛ արաքսավանցիներ, Հայրապետական օրհնություններն ենք բերել ձեզ Մայր Աթոռ Սուրբ Էջմիածնից՝ կառուցվելիք եկեղեցու հիմնարկեքի բարեբաստիկ առիթով:  Այսօր եկեղեցասեր զավակ Արարատ Սայադյանի  անշահ ջանքերի և բարերարության  շնորհիվ   Արաքսավանի օրհնաբեր հողի վրա կառուցվում է Աստծո և մեր հավատքի տունը,  որն ամենքիս առաջնորդելու է «ի խաւարէ ի լոյս, յապականութենէ  յանապականութիւն, յանգիտութենէ ի գիտութիւն ճշմարտութեան»:

Սիրելի՛ արաքսավանցիներ, մեր կյանքը պիտի լինի Աստծո կամքին համաձայն ապրված մի կյանք: Մեր սիրելի բարերարն իր բաժինը բերեց, որպեսզի դուք եկեղեցի ունենաք:  Դուք էլ անմասն չպիտի մնաք այս աստվածահաճո առաքելության մեջ: Ձեր եկեղեցասիրությամբ, տևական ներկայությամբ, անդադար աղոթքներով հարատև պիտի  դարձնեք  այս եկեղեցին, որպեսզի այն դառնա ձեր հոգևոր կյանքի սնուցիչ աղոթատունը, ամենքիդ զորացման, երեխաների դաստիարակության և ազգայինի պատկանելության դպրոցը: «Եկեղեցաշինությունը իրական հայրենաշինություն է, որովհետև եկեղեցին սոսկ քարեղեն կառույց չէ, այլ հոգևոր ու բարոյական արժեքների գանձարան է, իսկ առանց հոգևոր և բարոյական արժեքների անկայուն ու անապագա է ցանկացած հասարակություն և պետություն» (Գարեգին Բ Հայրապետ):

Եկե՛ք աղոթական հոգով միասնաբար խնդրենք մեր Բարեսեր Աստծուն, որ Իր Աջի ներքո անխռով պահի մեր հայրենին, զորավիգ լինի եկեղեցու կառուցմանը և արժանացնի այն  օրհնյալ պահին, երբ պիտի լսենք զանգերի ղողանջն ու հավատի և սիրո ուժով կերպարանափոխված՝ ներս մտնենք՝ լսելու Տիրոջ սիրառատ, կանչող ձայնն  ու երանավետ խոստումը. «Մի՛ վախեցիր, փոքրի՛կ հոտ, որովհետև ձեր Հայրը հաճեց տալ  ձեզ արքայությունը» (Ղուկաս ԺԲ 3): Ամեն»:

Արաքսավան գյուղը եկեղեցի չի ունեցել: Շուտով ծնունդով արաքսավանցի, մոսկվաբնակ Արարատ Սայադյանի բարերարությամբ այստեղ վեր կխոյանա կենտրոնագմբեթ եկեղեցին:   

Այսօր Տ. Սիոն Սրբազանի ձեռամբ օծվեց նաև ԱՀԹ Մխչյանի Ս. Հովհաննես եկեղեցու զանգը: Այն եկեղեցու հոգևոր հովիվ Տ. Միքայել քահանա Նուրիջանյանի և հավատացյալների ջանքերով ձեռք է բերվել Ռուսաստանից: 

Արարատյան Հայրապետական թեմի մամլո դիվան

 

ԱՐԱՐԱՏՅԱՆ ՀԱՅՐԱՊԵՏԱԿԱՆ ԹԵՄԻ ԱՌԱՋՆՈՐԴԱԿԱՆ ՓՈԽԱՆՈՐԴ ԳԵՐԱՇՆՈՐՀ ՏԵՐ ՆԱՎԱՍԱՐԴ ԱՐՔԵՊԻՍԿՈՊՈՍ ԿՃՈՅԱՆԻ ԽՈՍՔԸ՝  ԱՐԱՔՍԱՎԱՆԻ ԵԿԵՂԵՑՈՒ ՀԻՄՆԱՐԿԵՔԻ ԱՌԹԻՎ

Սիրելի՛ արաքսավանցիներ,

Հայրապետական օրհնություններն ենք բերել ձեզ Մայր Աթոռ Սուրբ Էջմիածնից՝ կառուցվելիք եկեղեցու հիմնարկեքի բարեբաստիկ առիթով:  Այսօր եկեղեցասեր զավակ Արարատ Սայադյանի  անշահ ջանքերի և բարերարության  շնորհիվ   Արաքսավանի օրհնաբեր հողի վրա կառուցվում է Աստծո և մեր հավատքի տունը,  որն ամենքիս առաջնորդելու է «ի խաւարէ ի լոյս, յապականութենէ յանապականութիւն, յանգիտութենէ ի գիտութիւն ճշմարտութեան»:

Սիրելի՛ արաքսավանցիներ, մեր կյանքը պիտի լինի Աստծո կամքին համաձայն ապրված մի կյանք: Մեր սիրելի բարերարն իր բաժինը բերեց, որպեսզի դուք եկեղեցի ունենաք:  Դուք էլ անմասն չպիտի մնաք այս աստվածահաճո առաքելության մեջ: Ձեր եկեղեցասիրությամբ, տևական ներկայությամբ, անդադար աղոթքներով հարատև պիտի  դարձնեք  այս եկեղեցին, որպեսզի այն դառնա ձեր հոգևոր կյանքի սնուցիչ աղոթատունը, ամենքիդ զորացման, երեխաների դաստիարակության և ազգայինի պատկանելության դպրոցը: «Եկեղեցաշինությունը իրական հայրենաշինություն է, որովհետև եկեղեցին սոսկ քարեղեն կառույց չէ, այլ հոգևոր ու բարոյական արժեքների գանձարան է, իսկ առանց հոգևոր և բարոյական արժեքների անկայուն ու անապագա է ցանկացած հասարակություն և պետություն» (Գարեգին Բ Հայրապետ):

Եկե՛ք աղոթական հոգով միասնաբար խնդրենք մեր Բարեսեր Աստծուն, որ Իր Աջի ներքո անխռով պահի մեր հայրենին,  զորավիգ  լինի եկեղեցու կառուցմանը և արժանացնի այն  օրհնյալ պահին, երբ պիտի լսենք զանգերի ղողանջն ու հավատի և սիրո ուժով կերպարանափոխված՝  ներս մտնենք՝ լսելու   Տիրոջ սիրառատ, կանչող ձայնն  ու երանավետ խոստումը. «Մի՛ վախեցիր, փոքրի՛կ հոտ, որովհետև ձեր Հայրը հաճեց տալ  ձեզ արքայությունը» (Ղուկաս ԺԲ 3): Ամեն:

Ջերմագին սիրով և օրհնությամբ՝
Տ. ՆԱՎԱՍԱՐԴ ԱՐՔԵՊԻՍԿՈՊՈՍ ԿՃՈՅԱՆ

 

Արարատյան Հայրապետական թեմի երիտասարդները մասնակցում են «Բազե»-ին

Օգոստոսի 22-ին Արարատյան Հայրապետական թեմի երիտասարդաց միությունների հոգևոր պատասխանատու արժանապատիվ Տ.Պետրոս ավագ քահանա Մալյանը, Հովհաննես սարկավագ Ներսեսյանի և թեմի մի խումբ երիտասարդների հետ այցելեց «Բազե» համահայկական ճամբար:

Այս տարի ճամբարին որպես հյուր մասնակցում են  նաև ԱՀԹ երիտասարդաց միությունների մի  խումբ երիտասարդներ:

Տեր  հայրը հանդիպեց ճամբարի մասնակցներին, խոսեց  հոգևոր և ազգային խնդիրների, անելիքների մասին, անդրադարձավ երիտասարդների հասարակական և եկեղեցական գործունեության մեջ ակտիվ մասնակցության կարևորությանը, պատասխանեց նրանց հուզող հարցերին:

Հանդիպման ընթացքում ցուցադրվեցին թեմական մի շարք միջոցառումների մասին պատմող ֆիլմեր: Երիտասարդները միասին հայրենասիրական երգեր կատարեցին:

Հանդիպման ավարտին Տ. Պետրոսն օրհնեց երիտասարդներին՝ կոչ անելով հավատարիմ մնալ երեք սրբություններին ՝հայոց ազգին, Հայ Առաքելական Սուրբ եկեղեցուն և հայկական պետությանը:

Լուսանկարները դիտեք այստեղ
Արարատյան Հայրապետական թեմի  մամլո դիվան

 

Թմրամոլությունից ազատագրվելու «12 քայլ» ծրագիրը կիրականացվի ԱՀԹ «Ցերեկային կենտրոնում»

Այսօր՝ օգոստոսի 22-ին, Արարատյան Հայրապետական թեմի առաջնորդարանում տեղի ունեցավ «Թմրամոլության վնասներն ու դրանցից  ձերբազատվելու ուղիները»  թեմայով քննարկում: Այն կազմակերպել էին Արարատյան Հայրապետակայն թեմի «Ցերակային կենտրոնը» և մամլո դիվանը:

Քննարկմանը մասնակցում էին  «Անանուն թմրամոլներ» միջազգային կազմակերպության ռուսաստանյան ներկայացուցիչները, ՀՀ առողջապահության նախարարության, ԵՀԽ հայաստանյան Կլոր Սեղան հիմնադրամի,  Հայկական Կարմիր խաչ ընկերության, Նարկոլոգիական կլինիկայի, ՁԻԱՀ-ի կանխարգելման հանրապետական կենտրոնի, «Դրական մարդկանց հայկական ցանց» ՀԿ ներկայացուցիչներ:

ԱՀԹ «Ցերեկային կենտրոնի» տնօրեն Տ. Գրիգոր քահանա Գրիգորյանը Տերունական աղոթքով սկսեց հանդիպումը, ապա ներկաներին փոխանցեց Տ. Նավասարդ արքեպիսկոպոսի օրհնությունը: Տեր հայրը ներկայացրեց ԱՀԹ «Ցերեկային կենտրոնը», որ 2011թ հիմնադրվել է Ն.Ս.Օ.Տ.Տ. Գարեգին Բ Ամենայն Հայոց Հայրապետի օրհնությամբ, Տ. Նավասարդ Սրբազանի ու ԵՀԽ հայաստանյան Կլոր սեղան հիմնադրամի աջակցությամբ: Կենտրոնը զբաղվում է թմրամոլների և ՄԻԱՎ-ով ապրող մարդկանց ու նրանց հարազատների հետ հոգևոր և հոգեբանական աշխատանքների կազմակերպմամբ:

«Անանուն թմրամոլներ» միության ներկայացուցիչները խոսեցին իրենց կազմակերպության մասին, որ մասնաճյուղեր ունի աշխարհի 135 երկրներում: Դրանց շահառուների թիվը հասնում է շուրջ 65 000:  Անդրադառնալով «12 քայլ» միջազգային ծրագրին՝ նրանք պատմեցին, որ դրա միակ նպատակն է թմրամոլի մոտ բուժվելու և թմրադեղերից հրաժարվելու ցանկություն առաջացնել: Ամբողջ աշխարհում ծրագիրն իրականացնում են նախկին թմրամոլներ, ովքեր հավասարը հավասարի խորհրդատվություն ու աջակություն են ցուցաբերում թմրանյութերից կախվածություն ունեցողներին: Նրանք բժիշկներ չեն և միայն իրենց կյանքի ու փորձի օրինակով են մարդկանց կարողանում ցույց տալ դեպի ազատագրում տանող ճանպարհը:

Աշխարհի բազմաթիվ երկրներում ծրագիրը գործում է եկեղեցիներին կամ հոգևոր կենտրոններին կից: Հյուրերի խոսքով՝ իրենց կազմակերպությունը կրոնական չի, սակայն հոգևոր է, քանի որ յուրաքանչյուր մարդու  համար հագևոր արժեքների վերագտնումն է օգնում վերադառնալ բնականոն կյանք: «Անանուն թմրամոլներ» կազմակերպության մասնաճյուղերը գործում են թե քրիստոնյա, թե մուսուլմանական, թե այլ կրոն դավանող երկրներում:

«Անանուն թմրամոլներ» միության ներկայացուցիչները Հայատանում են ԱՀԹ Զորավոր Ս. Աստվածածին եկեղեցու հոգևոր հովիվ և «Ցերեկային կենտրոնի» տնօրեն Տ. Գրիգոր քահանա Գրիգորյանի հրավերով՝ Հայաստանում հիմնելու «12 քայլ» ծրագիրը:

Որպես ծրագրի մեկնարկ այսօր երեկոյան ԱՀԹ «Ցերեկային կենտրոնում» նրանք կանցկացնեն փակ խումբ-քննարկում, որին կմասնակցեն միայն թմրամոլները: Վաղը  նույն կենտրոնում կկազմակերպվի բաց խումբ-քննարկում թմրամոլների, նրանց հարազատների և բոլոր ցանկացողների համար:

Արարատյան Հայրապետական թեմի մամլո դիվան

 

Արաքսավան գյուղում կկատարվի եկեղեցու հիմնարկեքի արարողություն

Օգոստոսի 23-ին՝ ժամը 11.00,  Արարատյան Հայրապետական թեմի Արաքսավան համայնքում կօծվեն կառուցվող եկեղեցու հիմնաքարերը: Հիմնարկեքի արարողությունը կկատարվի Արմավիրի թեմի առաջնորդ գերաշնորհ Տ. Սիոն եպիսկոպոս Ադամյանի ձեռամբ: 

Արաքսավան գյուղը եկեղեցի չի ունեցել, սակայն գյուղի բնակիչների համար եկեղեցի ունենալը երազանք է եղել: Երազանք, որ շուտով իրականություն կդառնա:  Ծնունդով արաքսավանցի, մոսկվաբնակ Արարատ Սայադյանի բարերարությամբ այստեղ կառուցվելու է կենտրոնագմբեթ եկեղեցի:   

Հիմնարկեքի արարողությունից հետո Տ. Սիոն Սրբազանի ձեռամբ կօծվի Մխչյան գյուղի Ս. Հովհաննես եկեղեցու զանգը: Այն եկեղեցու հոգևոր հովիվ Տ. Միքայել քահանա Նուրիջանյանի և հավատացյալների ջանքերով ձեռք է բերվել Ռուսաստանից: 

Արարատյան Հայրապետական թեմի մամլո դիվան

 

Ն.Ս.Օ.Տ.Տ. Գարեգին Բ Ամենայն Հայոց կաթողիկոսի ծննդյան տարեդարձի առթիվ Տ. Նավասարդ արքեպիսկոպոս Կճոյանի շնորհավորական ուղերձը

«Բարի ուսուցիչները վեհ դասեր ունեն… Եթե անձդ բազում անձնվիրություններով զարդարված մարդու վստահես, ապա նրա ունեցած բարիքները կժառանգես…»: Բարսեղ Մեծ

Վեհափա՛ռ Տեր,
Արարատյան Հայրապետական թեմի հավատավոր զավակների անունից շնորհավորում ենք Ձերդ Սրբությանը՝ ծննդյան տոնի առթիվ:
Աստվածային նախախնամությամբ և Ազգի կամոք Ձեզ բաժին ընկավ Հայոց ազգին կատարելության ճամփաներով ուղղորդելու և փրկակար հավատքնանսասան պահելու առաքելությունը: Որպես առաքելահաստատ եկեղեցու «վեհ դասեր»-ի քարոզիչ՝ Ձեր անանձնական նվիրումով և եկեղեցասիրությամբ եղաք հայ ժողովրդի ողջախոհ և իմաստուն առաջնորդը՝ ապահովելով նրա անխափան երթը դեպի աստվածային Ճշմարտություն և Լույս, դեպի երանավետ նավահանգիստ: Ձեր գահակալության տարիներին վեր հառնեցին խոնարհված տաճարներ ու մատուռներ, Աստծո նորանոր տներ կառուցվեցին թե՛ հայրենի ոստանում և թե՛ հայորդիների հավատքով զորեղացած հոգիներում:
Սիրելի՛ Վեհափառ, 
Ձեր անձը ձուլված է մեր երկրին, Դուք անձնավորում և ներկայացնում եք հայ ժողովրդին, ով իր հոգու քաղցը փարատելու և «բարի պատերազմը» մղելու համար գիտի, թե. «Ոչ բոլորին պետք է հարցնել, այլ միայն նրան, ում ուրիշների ղեկավարությունը ևս վստահված է, ով փայլում է կյանքով և, Սուրբ Գրոց համաձայն, ինքն աղքատ լինելով՝ հարստացնում է շատերին (Բ Կորնթ. Զ 10), ով աստվածային դատողություն ունի (Ա Կորնթ. ԺԲ 10) և, հատկապես, խոսքի սրով, լավը վատից տարբերակող հոգևոր դատողություն… Չէ՞ որ և՛ գործերով, և՛ խոսքերով, և՛ մտորումներով անմոլոր ղեկավար գտնելու համար քիչ ջանք չի պահանջվում» (Գ. Սինայեցի):
Աղոթական հոգով հայցում ենք առ Աստված, որ Տերն աստվածային ներկայությամբ և զորակցությամբ ուղեկից լինի Ձեզ: Երկար տարիների կյանք պարգևի Հայոց Հայրապետին, խաղաղ և բազմաբեղուն գահակալություն Մայր Աթոռ Սուրբ Էջմիածնում՝ ի փառս Աստծո, ի պայծառություն Հայաստանյայց Առաքելական Սուրբ եկեղեցու և ի բարօրություն Հայկազյան տոհմի:

Մատչիմ ի համբույր Ձերդ Սրբության Օծյալ և Սուրբ Աջույն՝
Տ.ՆԱՎԱՍԱՐԴ ԱՐՔԵՊԻՍԿՈՊՈՍ ԿՃՈՅԱՆ

 

ԱՐԱՐԱՏՅԱՆ ՀԱՅՐԱՊԵՏԱԿԱՆ ԹԵՄԻ ԱՌԱՋՆՈՐԴԱԿԱՆ  ՓՈԽԱՆՈՐԴ ԳԵՐԱՇՆՈՐՀ  Տ. ՆԱՎԱՍԱՐԴ ԱՐՔԵՊԻՍԿՈՊՈՍ  ԿՃՈՅԱՆԻ ԽՈՍՔԸ՝        ՍՈՒՐԲ ԱՍՏՎԱԾԱԾՆԻ ՎԵՐԱՓՈԽՄԱՆ ՏՈՆԻ ԱՌԹԻՎ

«ԻԲՐԵՒ ՇՈՒՇԱՆ Ի ՄԷՋ ՓՇՈՑ, ԱՅՆՊԷՍ ՄԵՐՁԱՒՈՐԴ ԻՄ Ի ՄԷՋ ԴՍՏԵՐԱՑ» («ԻՆՉՊԷՍ ՇՈՒՇԱՆՆ Է ՓՇԵՐԻ ՄԷՋ, ԱՅՆՊԵՍ ԷԼ ԻՄ ՍԻՐԵԼԻՆ Է ԴՈՒՍՏՐԵՐԻ ՄԷՋ»): Երգ երգոց Բ 2

Հաստատուն իրողություն, պարզ, հմայող,  անգին ու անսահման գերող: Շուշան ծաղիկ, ով իր քնքուշ գոյությամբ,  ցանկալի ներկայությամբ սփոփում և մխիթարում   է ամենքին:

Այսօր Աստվածածնի տոնն է, Աստվածածին, ով իր մեջ առավ աստվածության անշեջ հուրը՝ դառնալով մի նոր անկեզ մորենի: Վերափոխման տոնն է այսօր, Աստվածամոր վերափոխման հիշատակի տոնը, որի հիմքում ընկած է հետևյալ նվիրական ավանդությունը: Հիսուս Քրիստոսի խաչելությունից  15 տարի անց մահանում է Սուրբ Մարիամը: Նրան ամփոփում են Գեթսեմանիում, որտեղ երեք օր անընդմեջ հնչում են հրեշտակների օրհնության և փառաբանության մեղեդիների հնչյունները: Բարդուղիմեոս առաքյալը ներկա չի լինում կույսի հուղարկավորությանը և Երուսաղեմ է գալիս ուշացումով: Նա խնդրում է բացել սրբուհու գերեզմանը՝ վերջին հրաժեշտը տալու համար: Երբ բացում են Տիրամոր գերեզմանը, նրա մարմինն այնտեղ չեն գտնում: Հիսուս, Իր խոստման համաձայն, վերափոխել էր մորը և, որպես երկնային արքայության ընտրյալ, փոխադրել երկինք:

Սուրբ Տիրամայր: Ո՞ւմ հայտնի չէ այս անունը: Սուրբ Մարիամ: Ո՞վ իր աղոթաձայն մրմունջներում չի հիշում նրան և օգնություն հայցում նրանից: Բերկրյալ կույս, ով հավիտենական միջնորդ ու բարեխոս է երկնի ու երկնքի, մեր և իր Միածին Որդու՝ Հիսուս Քրիստոսի միջև: «Ցավազերծո՜ղդ երկունքն Եվայի, Խնդրի՛ր, աղաչի՛ր ու բարեխոսի՛ր… Արցունքով օգնի՛ր ինձ, վտանգվածի՛ս, գովյա՜լդ կանանց մեջ, Ծնրադիր խնդրի՛ր հաշտությանս համար, ծնո՜ղդ Աստծո. Հոգածու եղի՛ր թշվառիս հանդեպ, խորան Բարձրյալի. Ձե՛ռք տուր ընկածիս, երկնայի՜ն տաճար….Ո՜վ դու Աստծո աղախին ու մայր. Թող փրկությունս ցույց տրվի քեզնով, Եվ թող պատիվը ինձնով բարձրանա» («Մատյան ողբերգության», Բան Ձ):

Սիրելինե՛ր,  Աստվածամոր նկատմամբ պաշտամունք ունեցող մեր ժողովուրդը բազմաթիվ աղոթատեղիներ է կառուցել նրա անունով՝ Զորավոր Աստվածածին, Կարմրավոր, Ծիրանավոր, Սպիտակավոր Աստվածածին, սրտառուչ պատմություններ հյուսել նրա գեղեցկության, մաքրության ու վեհության մասին: Մշտանորոգ պահելով Աստվածամոր նվիրական հիշատակը՝ մեր դուստրերին «Մարիամ» ենք կոչում՝ ակնկալելով Տիրամոր և նրա պահապան հրեշտակների հովանին նրանց գլխավերևում: Մեր ժողովրդական բնորոշումներում առանձնահատուկ ու եզակի է նա. մարդ-հրեշտակ, մարմնատեսիլ անբիծ սերովբե, երկնքի թագուհի, առատախոստում երանության վայր, շնչավոր եդեմ, կենաց անմահության ծառ,  երկնքի դուռ, Աստծո էջք, խաղաղության միջնորդ, համապայծառ ծաղիկ, երկնային տաճար… Բազմաբղետ և իմաստալից այս բառերում խտացված է բոլորիս սերն իսկուհի Կույսի հանդեպ, ով ամենաբարձրն է բոլոր սրբերից ու հրեշտակներից:

Այսօր մեր եկեղեցին սքանչելի մի ավանդություն ունի. Սուրբ Աստվածածնի տոնի առթիվ մեծաշուք հանդիսությամբ կատարվում է խաղողի օրհնություն: Խաղողը՝ ընտրագույնը Հայաստանի բոլոր պտուղներից, արժանանում է Աստծո օրհնությանը: Այս պտղից է, որ առաջանում է գինին, ինչն էլ Սուրբ Խորանի վրա վերածվում է Քրիստոսի Արյան կենսատու ներգործությանը, որը կերպարանափոխում է մեր կյանքը: Մեր առջև ճշմարիտ որթի խորհուրդն է, որ օրհնվելուց հետո պիտի ճաշակենք ամենքս՝  նոր շունչ ու ոգի հաղորդելով քրիստոսատուր մեր հավատքին:  «Ես եմ ճշմարիտ որթատունկը, եւ իմ Հայրը մշակն է: …Եթէ իմ մէջ մնաք, եւ իմ խօսքերն էլ մնան ձեր մէջ, ինչ որ ուզենաք, խնդրեցէ՛ք Աստծուց, եւ ձեզ կը տրուի» (Հովհաննես ԺԵ 1,7):

Որպես երկնքի թագուհի և Սուրբ Երրորդության հարս, խնդրենք մեր Սուրբ Տիրամոր բարեխոսությունը: Թող նա սիրով և անսահման գութով պարուրի ամենքիս սրտերը և շնորհի խաղաղ ու հավատավոր կյանք՝ ի փրկություն մեր հոգիների: Ամեն:

 Ջերմագին սիրով և օրհնությամբ՝

Տ. ՆԱՎԱՍԱՐԴ ԱՐՔԵՊԻՍԿՈՊՈՍ ԿՃՈՅԱՆ

 

Այսօր նշում ենք Սուրբ Տիրամոր վերափոխման տոնը

 

Այսօր՝ օգոստոսի 17-ին, Հայ Առաքելական Սուրբ Եկեղեցին նշում է Սուրբ Աստվածածնի վերափոխման տոնը: Տոնի առթիվ  Ս. Պատարագ մատուցվեց բոլոր եկեղեցիներում:

Արարատյան Հայրապետական թեմի Առաջնորդանիստ Ս. Սարգիս եկեղեցում Ս. Պատարագը մատուցվեց Առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի  հանդիսապետությամբ:

Հընթացս Ս. Պատարագի թեմի բոլոր եկեղեցիներում ընթերցվեց Տ. Նավասարդ Սրբազանի շնորհավորական ուղերձը, ուր մասնավորապես ասվում է.

«Սուրբ Տիրամայր: Ո՞ւմ հայտնի չէ այս անունը: Սուրբ Մարիամ: Ո՞վ իր աղոթաձայն մրմունջներում չի հիշում նրան և օգնություն հայցում նրանից: Բերկրյալ կույս, ով հավիտենական միջնորդ ու բարեխոս է երկնի ու երկնքի, մեր և իր Միածին Որդու՝ Հիսուս Քրիստոսի միջև: «Ցավազերծո՜ղդ երկունքն Եվայի, Խնդրի՛ր, աղաչի՛ր ու բարեխոսի՛ր… Արցունքով օգնի՛ր ինձ, վտանգվածի՛ս, գովյա՜լդ կանանց մեջ, Ծնրադիր խնդրի՛ր հաշտությանս համար, ծնո՜ղդ Աստծո. Հոգածու եղի՛ր թշվառիս հանդեպ, խորան Բարձրյալի. Ձե՛ռք տուր ընկածիս, երկնայի՜ն տաճար….Ո՜վ դու Աստծո աղախին ու մայր. Թող փրկությունս ցույց տրվի քեզնով, Եվ թող պատիվը ինձնով բարձրանա» («Մատյան ողբերգության», Բան Ձ):

Մեր ժողովրդական բնորոշումներում առանձնահատուկ ու եզակի է նա. մարդ-հրեշտակ, մարմնատեսիլ անբիծ սերովբե, երկնքի թագուհի, առատախոստում երանության վայր, շնչավոր եդեմ, կենաց անմահության ծառ,  երկնքի դուռ, Աստծո էջք, խաղաղության միջնորդ, համապայծառ ծաղիկ, երկնային տաճար… Բազմաբղետ և իմաստալից այս բառերում խտացված է բոլորիս սերն իսկուհի Կույսի հանդեպ, ով ամենաբարձրն է բոլոր սրբերից ու հրեշտակներից:

Այսօր մեր եկեղեցին սքանչելի մի ավանդություն ունի. Սուրբ Աստվածածնի տոնի առթիվ մեծաշուք հանդիսությամբ կատարվում է խաղողի օրհնություն: Խաղողը՝ ընտրագույնը Հայաստանի բոլոր պտուղներից, արժանանում է Աստծո օրհնությանը: Այս պտղից է, որ առաջանում է գինին, ինչն էլ Սուրբ Խորանի վրա վերածվում է Քրիստոսի Արյան կենսատու ներգործությանը, որը կերպարանափոխում է մեր կյանքը: Մեր առջև ճշմարիտ որթի խորհուրդն է, որ օրհնվելուց հետո պիտի ճաշակենք ամենքս՝  նոր շունչ ու ոգի հաղորդելով քրիստոսատուր մեր հավատքին:  «Ես եմ ճշմարիտ որթատունկը, եւ իմ Հայրը մշակն է: …Եթէ իմ մէջ մնաք, եւ իմ խօսքերն էլ մնան ձեր մէջ, ինչ որ ուզենաք, խնդրեցէ՛ք Աստծուց, եւ ձեզ կը տրուի» (Հովհաննես ԺԵ 1,7):

Որպես երկնքի թագուհի և Սուրբ Երրորդության հարս, խնդրենք մեր Սուրբ Տիրամոր բարեխոսությունը: Թող նա սիրով և անսահման գութով պարուրի ամենքիս սրտերը և շնորհի խաղաղ ու հավատավոր կյանք՝ ի փրկություն մեր հոգիների: Ամեն:»:

Ս. Պատարագի ավարտին Սրբազան հոր ձեռամբ կատարվեց խաղողի օրհնության կարգ, որից հետո խաղողը բաշխվեց հավատավոր ժողովրդին:

Արարատյան Հայրապետական թեմի մամլո դիվան

 

Օծվեց  Արարատի մարզի Նորաբաց գյուղի եկեղեցու Սուրբ Սեղանը

Այսօր՝ հուլիսի 26-ին, ժամը 13:00-ին  Արարատյան Հայրապետական թեմի Արարատի մարզի Նորաբաց գյուղում  ԱՀԹ-ի առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի ձեռամբ օծվեց նորակառույց եկեղեցու Սուրբ Սեղանը, և եկեղեցին անվանակոչվեց Սուրբ Աստվածածին: Արարողությանը ներկա էին ՀՀ նախագահ Սերժ Սարգսյանը, Արարատի մարզպետ Ռուբիկ Աբրահամյանը, Նորաբաց գյուղի գյուղապետ, բարերար Գալուստ Գալստյանը, ԱԺ պատգամավորներ,  տեղական իշխանության ներկայացուցիչներ, գյուղի բնակիչներ և հյուրեր:

Սուրբ Սեղանի օծումից հետո Նավասարդ Սրբազանը քարոզ խոսեց.

«ՊԱՏՈՒԵԱ ԶՏԷՐ Ի ՔՈՑ ԱՐԴԱՐ ՎԱՍՏԱԿՈՑ, ԵՒ ՀԱՆ ՆՄԱ ՊՏՈՒՂ Ի ՔՈՑ ԱՐԴԱՐՈՒԹԵԱՆ ԱՐՄՏԵԱՑ» («ՊԱՏՎԻՐ ՏԻՐՈՋԸ ՔՈ ՈՒՆԵՑՎԱԾՔՈՎ  ԵՎ ՔՈ ԲՈԼՈՐ ԲԵՐՔԵՐԻ ԵՐԱԽԱՅՐԻՔՈՎ» (Առակաց Գ 9):

Մեծարգո տիա՛ր նախագահ, Վեհափառ Հայրապետի անունից ողջունում ենք Ձեր ներկայությունն այս նվիրական վայրում:

Սիրեցյալ հավատավոր և հավատարիմ զավակներ Հայաստանյայց Առաքելական Սուրբ եկեղեցու, հարգարժան ներկայացուցիչներ տեղական իշխանությունների,  բարերար Գալստյան ընտանիքի սիրելի՛ անդամներ,

Մայր Աթոռ Սուրբ Էջմիածնից ձեզ ենք փոխանցում Հայրապետական օրհնություններն ու բարեմաղթանքները՝ Ս. Աստվածածին եկեղեցու օծման բարեբաստիկ առիթով: Պատիվ ունենք հայտարարելու, որ Գուրգեն Գալստյանի կողմից  նախաձեռնված այս աստվածահաճո գործը շարունակող նրա երեք զավակներից ավագին՝ Գալուստին, Վեհափառ Հայրապետի սրբատառ կոնդակով  շնորհվում է Հայ Եկեղեցու բարձագույն «Սուրբ Գրիգոր Լուսավորիչ» շքանշան:

Փա՛ռք և գոհություն ենք հայտնում Աստծուն, Ով շնորհ արեց մեզ այս լուսապայծառ և պատմական օրը, որ տևապես պիտի հիշատակվի մեզանից հետո եկող սերունդների կողմից: Այսուհետև մեր բարերարների եկեղեցասիրության շնորհիվ այստեղ առ Աստված անդադար կհնչեն խնկառատ աղոթքներ ու փառաբանություններ: Այս հավերժախոս  եկեղեցին, որ մեր Աստվածամոր անունն է կրում, ձեր հավատքի առհավատչյան է: Այստե՛ղ, ա՛յս վայրում Աստված պիտի իջնի յուրաքանչյուրիդ հոգիների մեջ՝ Իր փոքու հոտը վերածելով Սուրբ Հոգու տաճարների:

Սիրելինե՛ր, Հայոց եկեղեցին վաղը տոնախմբում է մեր Տիրոջ՝ Հիսուս Քրիստոսի Պայծառակերպությունը: Հիսուս Իր երեք  աշակերտների հետ բարձրացավ Թաբոր լեռ՝ աղոթքի: Հանկարծ աննախադեպ իրողություն կատարվեց. Նրա դեմքը ողողվեց երկնքից իջած անսովոր և շողարձակ լույսով, որ բնավ նման չէր արեգակի լույսին: Նա ամբողջությամբ այլակերպվեց՝ պայծառակերպվեց: Ապա հայտնվեցին Մովսեսն ու Եղիան, մեծ մարգարեներ, որ Հիսուսի հետ պիտի խոսեին Նրա երկրային կյանքի վերջին օրերի մասին: Մովսեսը՝ հանդերձյալ կյանքի ներկայացուցիչ, Եղիան, որ «կենդանւոյն» բարձրացավ երկինք, ներկայացնում էր կենդանի ապրողներին:  Իրենց էջքով նրանք փաստում էին, որ Քրիստոս Տերն է և՛  հանդերձյալ կյանքի և՛ ողջերի: Մովսեսն հանդես էր գալիս օրենքի անունից, իսկ Եղիան՝ մարգարեների: Հանդիպման ավարտին մի ամպ իջավ, պարուրեց նրանց, ու երկնքից լսվեց մի ազդու ձայն. «Դա է իմ սիրելի որդին. նրան լսեցեք» (Մատթ. ԺԷ 5):  Եվ տիրեց խորհրդավոր մի լռություն… Ու Հիսուս իջավ լեռից,  վերստին սկսեց քարոզել ու բժշկել մարդկանց, լցնել նրանց քաղցած հոգիները Կենաց Խոսքով և առաջնորդել փրկության ճանապարհով:

Սիրելի՛ նորաբացցիներ, երևակայեցեք, թե որքան են հրճվում մեր հոգիները, երբ ամեն անգամ մի նոր եկեղեցի է օծվում, և թե որքան քաղցր է մեզ համար լսել նորոգված կամ կառուցված եկեղեցիներից հնչող հոգեզմայլ շարականների ու երգերի ձայները: Եվ ահա այսօր ամենքս հավաքվել ենք Ս. Աստվածածին եկեղեցում, որը խորհրդաբար մեզ համար դարձավ մի նոր, հայացած Թաբոր լեռ, ուր ամենքս երկնքից վայր իջնող լույսով պիտի պայծառանանք, Տիրոջ զորությամբ  այլակերպվենք և լսենք հավերժախոս պատգամն Աստծո. «Դա է իմ սիրելի որդին. նրան լսեցեք» (Մատթ. ԺԷ 5): Ապա,   դարձած  նվիրյալ լուսո որդիներ, իջնենք մարդկանց մեջ՝  բարու և սիրո հունդերը ցանելու աստվածատուր առաքելությամբ: Հիշեցե՛ք, այսուհետև ամենքդ առավել օրհնյալ օրեր եք ապրելու: Եկե՛ք ամեն օր ու ամեն ժամ, և թող  միշտ լեցուն լինի այս հավատքի տունը: Մտե՛ք ներս,  բարձրացրե՛ք ձեր աչքերը վեր, և կլսեք մեր սուրբ հայրերի երկնքից եկող մշտաբարբառ ձայները. «Մատի՛ք առ Տէր եւ առէ՛ք զլոյս, Ճաշակեցէ՛ք եւ տեսէ՛ք, զի քա՜ղցր է…»:

Մեր աղոթքն է, որ Ամենակարող Աստված Իր երկնառաք ու կենսաբուխ շնորհներով զարդարի այս եկեղեցին ու Իր Աջի ներքո անխռով պահպանի ձեր հայրենին: Թող Աստված ձեզ տա ուժ և կորով՝ կենդանության շունչ հաղորդելով նորաօծ այս սուրբ տեղին և այն դարձնի լուսավորչահաստատ հավատքի սյուն՝ նվիրական այս վայրում: Ամեն»:

Սրբազան Հոր քարոզի ավարտին Մասիսի Ս. Գևորգ եկեղեցու հոգևոր հովիվ Տ. Աշոտ քահանա Սաֆարյանի ձեռամբ  առաջին անգամ մատուցվեց Սուրբ Պատարագ: Հավարտ Ս. Պատարագի եկեղեցու բակում տեղի ունենացավ  տոնական միջոցառում, և սիրո ճաշի սեղանին մատուցվեց մատաղ:

Նախապես հուլիսի 24-ին՝ ժամը 10:00-ին, ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոս  Կճոյանի ձեռամբ օծվել էին եկեղեցու  խաչը, զանգը,  եկեղեցու սյուները և մկրտության ավազանը:

Լուսանկարները դիտեք այստեղ
Արարատյան Հայրապետական թեմի մամլո դիվան

 

 

«Հայոց ցեղասպանության 100-րդ տարելիցին ընդառաջ»

Միջոցառում Ազատության հրապարակում

 

Հուլիսի 24-ին՝ ժամը 20:30-ին, Արարատյան Հայրապետական Թեմի Երիտասարդաց միություններն ԱՀԹ-ի առաջնորդական փոխանորդ գերաշնորհ Տեր Նավասարդ արքեպիսկոպոս Կճոյանի օրհնությամբ և տնօրինությամբ Ազատության հրապարակում կազմակերպել էին միջոցառում՝ նվիրված Հայոց ցեղասպանության 100-ամյա տարելիցին: 
Թեմի երիտասարդները, երեխաները, հղի կանայք և տարեցները գետնին փռված քարտեզի վրա, որտեղ շրջանակների մեջ նշված էին 14 վիլայեթ, հայրենասիրական աշխույժ երգերի ներքո վառված մոմեր դրեցին՝ մատնանշելով այդ վայրերում եղած հայոց երբեմնի կենդանի օջախները: Այնուհետև Հովհաննես սարկավագ Ներսեսյանի ու երիտասարդների հուզիչ կատարմամբ հնչեց «Ադանայի ողբը» երգը, որի ավարտին տղաները կարմիր հեղուկ լցրեցին վիլայեթների վրա՝ խորհրդանշելով 1915 թ. կոտորածը: Ապա հնչեց «Հայր մեր» աղոթքը, որին հաջորդեց լռության րոպեն:
Միջոցառման ավարտին երիտասարդները, որպես Եղեռնից հառնող ժողովուրդ, «Քոչարի» պարեցին և իրենց միաբերան պահանջը հնչեցրին Թուրքիային՝ հայերեն և անգլերեն լեզուներով. «Լսի՛ր, Թուրքիա՛, մենք հիշում ենք և պահանջում» («Listen Turkey, we remember and demand»):
Սա «Հայոց ցեղասպանության 100-րդ տարելիցին ընդառաջ» ծրագրի երրորդ միջոցառումն էր: Ծրագրի շրջանակներում մեկ տարի շարունակ ԱՀԹ երիտասարդները թեմի երիտասարդական կառույցների համակարգող Տ. Պետրոս ավագ քահանա Մալյանի գլխավորությամբ ամեն ամսվա 24-ին կազմակերպելու են միջոցառումներ, բանախոսություններ, քննարկումներ, ուխտագնացություններ և այլն: 
Նախաձեռնության նպատակն է ողջ տարվա ընթացքում արթուն պահել եղեռնի զոհերի հիշատակը և ոգեկոչման աղոթք առաքել առ Աստված: 
Առաջին միջոցառումը կազմակերպվել էր մայիսի 24-ին՝ ականատեսի նամակների ու լուսանկարների հիման վրա ստեղծված «Արմին Վեգներ» ֆիլմի ցուցադրությամբ (հեղինակ՝ Տիգրան Խզմալյան): Երկրորդ միջոցառումը՝ հունիսի 24-ին՝ Ծիծեռնակաբերդում, ուր կատարվել է հսկման ժամերգություն և հոգեհանգստյան կարգ՝ ի հիշատակ Մեծ եղեռնի զոհերի:
Լուսանկարները դիտեք այստեղ

Հաջորդ միջոցառումը տեղի կունենա օգոստոսի 24-ին: 
Արարատյան Հայրապետական թեմի մամլո դիվան

 

Օծություն Արարատի մարզի Նորաբաց գյուղի եկեղեցում

 

Հուլիսի 24-ին՝ ժամը 10:00-ին, Արարատյան Հայրապետական թեմի Արարատի մարզի Նորաբաց գյուղում ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի ձեռամբ օծվեցին գյուղի նորակառույց եկեղեցու խաչը, զանգը, եկեղեցու սյուները և մկրտության ավազանը: Օծման ավարտին Սրբազան Հայրը, դիմելով հավատավոր ժողովրդին, ի մասնավորի ասաց. «Այս եկեղեցին Աստծո տունն է, Աստծո հետ հանդիպելու վայրը, մարդկանց խղճի ձայնն է ու հոգու քնարը: Մենք պետք է գանք այստեղ և մեր հոգիները բացենք Աստծո առաջ, հաղորդակցվենք Տիրոջ հետ… Աստծո տուն պետք է մտնել, որպեսզի Սուրբ Հոգին ներթափանցի մեր մեջ, ու Իր շնորհները բաշխի մեզ… Եկեղեցին կմնա դատարկ, եթե դուք եկեղեցի չլինեք, համայնք չլինեք: Այն պետք է լցնեք աղոթքով, հոգու թրթիռով, սրտի անկեղծությամբ: Այդ ժամանակ եկեղեցին կլինի ձեր հոգու բուրվառն առ Աստված, և աղոթքները, որոնք բխում են ի խորոց սրտի, լսելի կլինեն Աստծուն»:
Հուլիսի 26-ին՝ ժամը 13:00-ին, ԱՀԹ-ի առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի ձեռամբ կօծվի նորակառույց եկեղեցու Սուրբ Սեղանը: Մասիսի Ս. Գևորգ եկեղեցու հոգևոր հովիվ Տ. Աշոտ քահանա Սաֆարյանի ձեռամբ առաջին անգամ կմատուցվի Սուրբ Պատարագ: Հավարտ Ս. Պատարագի եկեղեցու բակում տեղի կունենա տոնական միջոցառում, և սիրո ճաշի սեղանին կմատուցվի մատաղ:

 

Լուսանկարները դիտեք այստեղ
Արարատյան Հայրապետական թեմի մամլո դիվան

 

Խաչքարի և նկարների օծում Կոնդի Ս. Հովհաննես եկեղեցում

Հուլիսի 20-ին Արարատյան Հայրապետական թեմի Երևանի Ս. Հովհաննես եկեղեցում հավարտ Ս. Պատարագի Արմավիրի թեմի առաջնորդ գերաշնորհ Տ. Սիոն եպիսկոպոս Ադամյանի ձեռամբ օծվեցին երկու սրբապատկեր և մեկ խաչքար:
Նկարների հովանավորն է ԱԺ պատգամավոր Աշոտ Աղաբաբյանը: Խաչքարի հովանավորն են Հովհաննես Անտոնյանն ու իր մայրը՝ Ժենյա Անտոնյանը, ով ուխտել է 7 խաչքար տեղադրել եկեղեցիների բակում: Այս խաչքարը 3-րդն է: Նախկին երկուսը տեղադրվել են առաջնորդանիստ Ս. Սարգիս և Նորագավթի Ս. Գևորգ եկեղեցիների բակում:

Լուսանկարները դիտեք այստեղ
Արարատյան Հայրապետական թեմի մամլո դիվան

 

«Մանկունք» համախումբը ներկայացավ հաշվետու համերգով

Հուլիսի 15-ին Արարատյան Հայրապետական թեմի առաջնորդարանում տարեկան ամփոփիչ ելույթով հանդես եկավ ԱՀԹ «Մանկունք» համախումբը (գեղ. ղեկավար Լիլիթ Գրիգորյան, դաշնակահար՝ Նարինե Հայրապետյան): Համերգին ներկա էին ԱՀԹ առաջնորդական փոխանորդ գերաշնորհ Տ.Նավասարդ արքեպիսկոպոս Կճոյանը, Առաջնորդանիստ Ս. Սարգիս եկեղեցու հոգևոր հովիվ և ԱՀԹ երիտասարդական կատույցների համակարգող արժանապատիվ Տ. Պետրոս ավագ քահանա Մալյանը, ծնողներ, հյուրեր: 
Համախմբի 5-15 տարեկան սաներից մի քանիսը վոկալից բացի հանդիսատեսի դատին հանձնեցին նաև գործիքային կատարումներ՝ նվագելով շվի, թավջութակ և ջութակ:
Համերգի ավարտին Սրբազան հայրը «Մանկունքի» սաներին նվիրեր հանձնեց: 

լուսանկարները դիտեք այստեղ
Արարատյան Հայրապետական թեմի մամլո դիվան

 

Տ. Նավասարդ սրբազանն ընդունեց կանադահայ երիասարդներին

Հուլիսի 15-ին ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանն ընդունեց Կանադահայ երիտասարդներին, ովքեր մոնրեալի Ս. Գրիգոր Լուսավորիչ եկեղեցու հոգևոր հովիվ Տ. Վազգեն քահան Բոյաջյանի գլխավորությամբ Հա յաստան են եկել CYMA (Քրիստոնյա երիտասարդների առաքելություն դեպի Հայաստան) ծրագրով: 
Հանդիպմանը մասնակցում էին ԱՀԹ երիտասարդական կառույցների համակարգող և Առաջնորդանիստ Ս. Սարգիս եկեղեցու հոգևոր հովիվ Տ. Պետրոս ավագ քահանա Մալյանը, Արգավանդի Ս. Սարգիս եկեղեցու հոգևոր հովիվ Տ. Գրիգոր քահանա Հովհաննիսյանը, Հովհաննես և ԱՀԹ երիտասարդաց միությունների անդամներ: 
Սրբազան հայրը ողջունեց նրանց ու հետաքրքրվեց, թե ինչպիսի տպավորություն ունեն իրենց այցելությունից, մանկատանն իրականացվող ծրագրից: 
Երիտասարդները Սրբազան հորը պատմեցին, որ ծրագրել են այս տարի Արգավանդի Ս. Սարգիս եկեղեցու երիտասարդաց միության անդամների հետ մինչև օգոստոսի սկիզբ ավարտին հասցնել Մարի Իզմիրլյանի անվան մանկատան խաղահրապարակի բարեկարգման աշխատանքները: Նրանցից շատերն առաջին անգամ են Հայաստանում: Մի մասը բավական լավ տիրապետում է հայերենին, մյուսները որոշակի դժվարությամբ են հաղթահարում լեզվական խոչընդոտները, սակայն պատրաստակամություն հայտնեցին, որ պիտի ամեն ջանք գործադրեն հայրենի լեզուն սովորելու համար: 
ԱՀԹ երիտասարդաց միության անդամները հյուրերին ներկայացրին թեմի երիտասարդական նախաձեռնություններն ու ծրագրերը, ցուցադրեցին դրանց մասին պատմող մի քանի կարճամետրաժ ֆիլմեր: Փոքրիկ քննարկման ընթացքում պայմանավորվեցին համատեղ ծրագրեր մշակել և իրականացնել հանուն Հայ Առաքելական Սուրբ Եկեղեցու պայծառացման: 

Արարատյան Հայրապետական թեմի մամլո դիվան

 

Տ. Նավասարդ սրբազանն ընդունեց Ամերիկայի Արևելյան թեմի երիատասարդներին

Հուլիսի 16-ին ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանն ընդունեց ամերիկահայ երիտասարդներին, ովքեր ԱՄՆ Քլիվլենդ նահանգի Օհայոյի Ս. Գրիգոր Նարեկացի եկեղեցու հոգևոր հովիվ Տ. Հրաչ քահանա Սարգսյանի գլխավորությամբ Հայաստանում են:
Հանդիպմանը մասնակցում էին ԱՀԹ երիտասարդական կառույցների համակարգող և Առաջնորդանիստ Ս. Սարգիս եկեղեցու հոգևոր հովիվ Տ. Պետրոս ավագ քահանա Մալյանը, Առաջնորդանիստ Ս. Սարգիս եկեղեցու հոգևոր սպասավոր Հովհաննես սարկավագ Ներսեսյանը և ԱՀԹ երիտասարդաց միությունների անդամներ: 
Սրբազան հայրը ողջունեց նրանց ու հետաքրքրվեց, թե արդյոք առաջին անգամ են Հայաստանում, որքան են տիրապետում հայերենին: 
ԱՀԹ երիտասարդաց միության անդամները հյուրերին ներկայացրին թեմի երիտասարդական նախաձեռնություններն ու ծրագրերը, ցուցադրեցին դրանց մասին պատմող մի ք

Կարդալ Ավելին

«Ինչքան շատ հասկանան Աստվածաշունչը, այնքան ավելի հրաշագեղ այն պիտի թվա» (Գյոթե) Ս. Գրքին ծանոթանալու, բովանդակությունը յուրացնելու նպատակով Ձեզ առաջարկում ենք Ս. Գրքի ընթերցանությունը` հատվածաբար բաժանումով: Այսինքն, սա յուրօրինակ մի ծրագիր է Աստվածաշունչը սերտելու համար, որի շնորհիվ հնարավոր է ըստ բաժանումների ընկալել Աստվածաշունչ մատյանը որպես մեկ ամբողջություն:

Կարդալ Ավելին

Հայր մեր, որ յերկինս ես,
Սուրբ եղիցի անուն Քո.
Եկեսցէ արքայութիւն Քո.
եղիցին կամք Քո որպէս յերկինս` եւ յերկրի.
Զհաց մեր հանապազորդ տուր մեզ այսօր.
Եւ թող մեզ զպարտիս մեր,
որպէս և մեք թողումք
մերոց պարտապանաց.
Եւ մի' տանիր զմեզ ի փորձութիւն.
այլ փրկեա զմեզ ի չարէ.
զի քո է արքայութիւն եւ զօրութիւն եւ փառք
յաւիտեանս. ամէն: