Նախորդ
Գլխավոր

Նոր նշանակում Արարատյան Հայրապետական թեմում

Ն.Ս.Օ.Տ.Տ. Գարեգին Բ ծայրագույն պատրիարք և Ամենայն Հայոց կաթողիկոսի տնօրինությամբ նորաօծ Տ. Նշան քահանա Ալավերդյանը ծառայության է կոչվել Արարատյան Հայրապետական թեմում: 
ԱՀԹ առաջնորդական փոխանորդ գերաշնորհ Տ.Նավասարդ արքեպիսկոպոսի որոշմամբ Տ. Նշան քահանա Ալավերդյանն իր պարտականությունները կկատարի որպես Ն. Նորքի 1-ին զանգվածի նորաբաց Ս. Աստվածածին եկեղեցու հոգևոր հովիվ: 

Արարատյան Հայրապետական թեմի տեղեկատվական բաժին

 

Օծվեցին խաչվառը, վեմքարերն ու երեք խաչքարերը

Նոյեմբերի 1-ին ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոսի ձեռամբ Մասիսի Ս. Գևորգ եկեղեցում օծվեցին խաչվառն ու վեմքարերը: Խաչվառը պատրաստվել է համայնքի նվիրատվություններով: 

Արարողության ավարտին համայնքի անդամները կազմակերպել էին համերգ՝ նշելու եկեղեցու օծման հնգամյակը: Ելույթ ունեցան Ս. Գևորգ եկեղեցու կիրակնօրյա վարժարանի սաները: 
Եկեղեցու բակում երիտասարդաց միության անդամները անհրաժեշտ նյութեր և պարագաներ էին բերել, որպեսզի հյուրերն իրենց ձեռքի հմտության ու երևակայության օգնությամբ պարաստեին բացիկներ, հուշանվերներ: Այդ իրերը դրվել էին ցուցահանդես-վաճառքի, որից ստացված հասույթը պիտի օգտագործեն բարեգործական ծրագրերի համար: 
Նույն օրը Շահումյանի Ս. Աստվածածին եկեղեցում Տ. Նավասարդ սրբազան հայրն օծեց եկեղեցու երեք խաչքարերը: Արարողությունից հետո համայնքի նախաձեռնությամբ մատաղ մատուցվեց հյուրերին: 
Եկեղեցու բակում տեղադրված խաչքարերից մեկը նվիրված է եղեռնի զոհերի հիշատակին՝ բարերարը Գարիկ Համբարձումյանն է: Մյուս խաչքարը նվիրված է 1988-ի երկրաշարժի զոհերի հիշատակին. խաչքարը եկեղեցուն է նվիրաբերել Շահումյանի գյուղապետ Սերժիկ Բաբայանը: Երրորդ խաչքարը եկեղեցու վերաբացման հինգերորդ տարեդարձի առթիվ նվիրել են եկեղեցու հոգևոր հովիվ Տ. Դերենիկ քահանա Միքայելյանը և խաչքարագործ-վարպետ Ալբերտ Բաբագուլյանը:

Լուսանկարները դիտեք այստեղ 
Արարատյան Հայրապետական թեմի տեղեկատվական բաժին

 

Տ. Նավասարդ արքեպիսկոպոսը կօծի Ս. Գևորգ եկեղեցու խաչվառն ու Ս. Աստվածածին եկեղեցու խաչքարեր

Նոյեմբերի 1-ին՝ ժամը 15.00, ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոսի ձեռամբ Մասիսի Ս. Գևորգ եկեղեցում կօծվեն Խաչվառն ու Վեմքարը: 
Արարողության ավարտին համայնքի անդամները պատրաստել են տոնախմբություն՝ նշելու եկեղեցու օծման հնգամյակը: Ելույթ կունենան Ս. Գևորգ Եկեղեցու կիրակնօրյա վարժարանի սաները, կհնչեն հոգևոր երգեր: Հյուրերը հնարավորություն կունենան տեղում ձեռքով պատրաստել տարբեր իրեր, որոնց համար կտրամադրվեն անհրաժեշտ նյութեր և պարագաներ:
Նույն օրը` ժամը 16.30,  Շահումյանի Ս. Աստվածածին եկեղեցում Տ. Նավասարդ սրբազան հայրը կօծի եկեղեցու երեք խաչքարերը: 
Այստեղ ևս արարողությունից հետո համայնքը նախապատրաստել է փոքրիկ տոնախմբություն, որից հետո մատաղ կմատուցվի հյուրերին:   

Արարատյան Հայրապետական թեմի տեղեկատվական բաժին

 

«Սեբաստացիներ» երգչախմբի համերգը տեղի կունենա Սուրբ Հովհաննես եկեղեցում

Վաղը՝ հոկտեմբերի 29-ին, ժամը 17:30-ին, ԱՀԹ առաջնորդական փոխանորդ գերաշնորհ Տ.Նավասարդ արքեպիսկոպոս Կճոյանի օրհնությամբ Երևանի Ս.Հովհաննես եկեղեցում տեղի կունենա «Սեբաստացիներ» ուսուցչական երգչախմբի (գեղարվեստական ղեկավար և դիրիժոր՝ Հարություն Թոփիկյան) հոգևոր համերգը՝ նվիրված «Մ.Սեբաստացի» կրթահամալիրի հիմնադրման 25-ամյակին:
Երգչախումբը հանդես կգա կոմիտասյան հոգևոր և աշխարհիկ երգերի կատարմամբ:
Այն գործում է 2012 թվականից։ Համերգներ է ունեցել Հայաստանի և Արցախի գործող և խոնարհված եկեղեցիներում, թանգարաններում, հրապարակներում:
«Սեբաստացիներ» ուսուցչական երգչախմբի համերգը շարունակական է: Նրանց հոգևոր կատարումները կհնչեն ԱՀԹ-ի այլ եկեղեցիներում ևս՝ յուրաքանչյուր չորեքշաբթի՝ ժամը 17:30-ին:

 

Աղոթք ու խնկարկում ՝ ի հիշատակ Մեծ Եղեռնի  նահատակ 4000 հոգևորականների

Սեպտեմբերի  24-ին՝ ժամը 18:00,  Ծիծեռնակաբերդի հուշահամալիրում տեղի կունենա ոգեկոչման միջոցառում՝ նվիրված Հայոց ցեղասպանության ժամանակ հանուն հավատի զոհված  4000 հոգևորականներին: Ավարտին կկատավի հոգեհանգստյան կարգ՝ ի հիշատակ նահատակ հոգևորականների:  

Սա «100 ամյակին ընդառաջ»  ծրագրի հինգերորդ միջոցառումն է, որը նախաձեռնել են ԱՀԹ Երիտասարդական միությունները  Առաջնորդական փոխանորդ գերաշնորհ Տ Նավասարդ արքեպիսկոպոսի օրհնությամբ: 

Ծրագրի շրջանակներում ԱՀԹ երիտասարդները միությունների համակարգող Տ. Պետրոս ավագ քահանա Մալյանի գլխավորությամբ ամեն ամսվա 24-ին կազմակերպում են միջոցառումներ՝ բանախոսություններ, քննարկումներ, ուխտագնացություններ և այլն:

Նախաձեռնության նպատակն է ամբողջ տարվա ընթացքում 100-ամյակի շեմին արթուն պահել եղեռնի զոհերի հիշատակը և ոգեկոչման աղոթք առաքել առ Աստված:

Օգոստոսի 24-ին երիտասարդները ՀՀ պաշտպանության նախարարության հետ համատեղ միջոցառում իրականացրին Եռաբլուր զինվորական պանթեոնում. նախ ծաղիկներ դրեցին այստեղ հանգչող՝ ազատութւան համար մարտնչած նահատակների շիրիմներին:  Ապա ներկայացրին հայոց դատի ջատագովների գործունեությունը և երդվեցին լինել նրանց գործի շարունակողն ու հայոց հարցի պահանջատերը:

«100- ամյա տարելիցին ընդառաջ» ծրագրի հաջորդ միջոցառումը տեղի կունենա հոկտեմբերի  24-ին:

Արարատյան Հայրապետական թեմի տեղեկատվական բաժին

 

ԱՀԹ երիտասարդնեը մասնակցեցին «Երևան 2.0 քաղաքային փառատոնին»

Սեպտեմբերի 20-ին Արարատյան Հայրապետական թեմի երիտասարդները Տ. Նավասարդ արքեպիսկոպոսի օրհնությամբ մասնակցեցին «Երևան 2.0 ուրբան ֆեստին»: Սիրահարների այգում մեկնարկած երիտասարդական քաղաքային փառատոնի նպատակը երիտասարդական քաղաքային մշակույթը ներկայացնելն էր: Փառատոնի շրջանակներում  կազմակերպվել էր հելյունագործության, բրեյքդանսի, գրաֆիտի, Street Workout-ի և այլ ուսուցողական դասընթացներ:

Թեմի երիտասարդները ստանձնել էին Պողոսյան այգիների մի քանի ծառերի համար հելյունագործ հագուստ պատրաստելու աշխատանքը: Երիտասարդները մի քանի ժամ շարունակ բազմաթիվ ցանկացողների հետ գործված հագուստի շերտերը միացրին և գեղեցիկ գույնզգույն «հագուստով» զարդարեցին ծառերը:

Այս փառատոնի մասնակցությամբ ԱՀԹ երիտասարդները նպատակ ունեին ցույց տալ, որ ակտիվ ու պատրաստակամորեն են մասնակցում ոչ միայն հոգևոր, այլ նաև աշխարհիկ բոլոր այն գեղեցիկ իրադարձություններին, որոնք տեղի են ունենում մեր երկրում, մեր մայրաքաղաքում:

Լուսանկարները դիտեք այստեղ
Արարատյան Հայրապետական թեմի տեղեկատվական բաժին

 

Խաչապտույտ Նորքում և հոգեհանգիստ բռնադատվածների հիշատակին

Այսօր՝ սեպտեմբերի 8-ին, ԱՀԹ Նորք- Մարաշի Ս. Աստվածածին եկեղեցում Ս. Պատարագ մատուցեց  ՀՀ ԶՈՒ հոգևոր սպասավոր Տ. Վանանդ քահանա Անդրեասյանը: Ս. Մարիամ Աստվածածնի ծննդյան տոնի առթիվ մատուցված տոնական Ս. Պատարագի ավարտին ԱՀԹ Առաջնորդական փոխանորդ գերաշնորհ Տ. Նավասարդ արքեպիսկոպոսի օրհնությամբ համայնքը հոգևոր հովիվ Տ. Զաքարիա քահանա Ավետիսյանի գլխավորությամբ կազմակերպել էր խաչապտույտ՝ դեպի  Ս. Ստեփանոս մատուռ:

Խաչապտույտի ավարտին մատուռում կատարվեց հոգեհանգստյան կարգ ի հիշատակ բռնադատվածների: Նախկինում այստեղ վեր է խոյացել Ս. Ստեփանոս եկեղեցին, որ դարձել է խորհրդային կարգերի զոհ: Երբեմնի մեծ եկեղեցուց միայն մի քանի խաչքարեր են մնացել, որոնք հանգրվանել են նորակառույց փոքրիկ մատուռում: 

Լուսանկարները դիտեք այստեղ
Արարատյան Հայրապետական թեմի տեղեկատվական բաժին

 

Ս. Պատարագ է մատուցվել Օլիմպիական հերթափոխի մարզական քոլեջի Ս. Աստվածածին մատուռում

Այսօր՝ սեպտեմբերի 8-ին,  Հայ Առաքելական Սուրբ Եկեղեցին տոնախմբում է Ս. Մարիամ Աստվածածնի ծննդյան տոնը: Այս առթիվ Ս. Պատարագ է մատուցվել բոլոր եկեղեցիներում:

Ս. Տիրամոր ծննդյան տոնն ուխտի օր է նրա անունը կրող եկեղեցիներում:  Այսօր մարդաշատ էր նաև Երևանի օլիմպիական հերթափոխի պետական մարզական քոլեջի Ս. Աստվածածին մատուռը, որտեղ  Ս. Պատարագ է մատուցել հոգևոր հովիվ Տ. Հայկազուն քահանա Մկրտչյանը: 

Այս փոքրիկ մատուռում, ուր ապագա չեմիպոնները հաճախ են այցելում, ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոսի տնօրինությամբ և օրհնությամբ  տարվա ընթացքում Ս. Պատարագ է մատուցվում հենց այս օրը:

Լուսանկարները դիտեք այստեղ
Արարատյան Հայրապետական թեմի տեղեկատվական բաժին

 

Խաղաղության, միաս­նության և համերաշխության երթ

Սեպտեմբերի 2-ին Արարատյան Հայրապետական թեմում տեղի ունեցավ «Խաղաղության, միաս­նության և համերաշխության» երթ՝ Հայաստանի Հանրապետության քաղաքացիներին խաղաղության և համերաշ­խության գաղափարի շուրջ համա­խմբելու նպատակով: «Երիտասարդություն» ՀԿ-ի նախաձեռնած երթն անցկացվեց Արարատյան Հայրապետական թեմի հոգևոր պատասխանատվության ներքո և ՀՀ պաշտպանության նախարարության աջակցությամբ:

Երթը մեկնարկեց Ազատության հրապարակից, Մաշտոցի պողոտայով ընթացավ մինչև Երևանի Առաջնորդանիստ Ս. Սարգիս եկեղեցի: Այստեղ ԱՀԹ Առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի գլխավորությամբ մատուցվեց հոգեհանգստյան կարգ ի հիշատակ հայ-ադրբեջանական սահմանին զոհված զինծառայողների և Իրաքի հյուսիսում իսլամիստ ծայրահեղակաների կողմից սպանված խաղաղ ժողովրդի:

Արարողության ավարտին Սրբազան հայրը քարոզ խոսեց, ուր մասնավորապես ասվում էր.

«Սիրելի՛ զավակներ  Հայոց Սուրբ Եկեղեցու, Անսահման հուզականությամբ, ցնծության և բերկրանքի ալեկոծումներով է համակված մեր հոգին:  Այսօրվա երթը խոսուն է և առավել քան վարակիչ, քանզի այն ոչ միայն խաղաղության, միասնության և համերաշխության ոգեկոչումն է, այլև  հայի հզոր ոգու,  անկոտրում հավատքի և քրիստոնեական սիրո խոսուն վկան է ու առաջմղիչ ուժը:

Հայ Առաքելական Սուրբ եկեղեցին սուրբ անոթ է. նրա շնորհիվ  է սերունդներին փոխանցվում  Քրիստոսի սիրո և հայրենասիրության քարոզչությունը և մեր հայրերի սրբազան ավանդությամբ շաղախված լուսավորչահաստատ հավատքը: Հայի եկեղեցին տևապես և անվարան կանգնած է իր ժողովրդի կողքին՝ կիսելով ոչ միայն  իր ազգի, այլև  յուրայինների ցավը: Դրա վկայությունն են Վեհափառ Հայրապետի կողմից համայն եզդիների առաջնորդին ուղղված զորակցության գիրը, և ավելի վաղ գրված նամակը՝  Ադրբեջանի հոգևոր առաջնորդին, ուր դատապարտվում է մարդկային կյանքի հանդեպ իրականացվող ամեն տեսակի բռնություն.  «…հրադադարի ռեժիմի խախտման տևական փորձերը լուրջ վտանգ են ներկայացնում մեր տարածաշրջանի փխրուն, բայց թանկ ձեռքբերված խաղաղության համար: …զոհվում են զինվորներ, խաթարվում է սահմանամերձ բնակչության խաղաղ կյանքը: Աստվածատուր մարդկային կյանքը սուրբ է, իսկ դրա իրավունքը՝  սրբազան, և ոտնձգությունները մարդկային կյանքի հանդեպ անթույլատրելի են»:

Սիրելինե՛ր, հայոց քաջազուն զավակները բոլոր ժամանակներում էլ աչքի են ընկել իրենց անձնազոհությամբ և նվիրումով, մինչև վերջ պայքարելու և հաղթության պսակն առնելու համառությամբ: Վստահաբար գիտենք, որ մեր  ուժը,  միասնության և արդար դատի վերջնական հաղթանակի գաղտնի ուժը  հայության ամբողջական և միասնական ինքնաարտահայտության մեջ է:  Հայի պայքարն արդար է և օրհնյալ, ուստի «Քա՛ջ եղիր ու զորացի՛ր, մի՛ երկնչիր և մի՛ վախեցիր, մի՛ զարհուրիր նրանց ներկայությունից, քանի որ քո Տեր Աստվածն ինքը պիտի գնա ձեր առջևից, ձեր մեջ: Նա չի լքելու ձեզ ու չի անտեսելու ձեզ» (Բ Մնացորդաց 31:6):

Այսօր մենք հավաքվել ենք նաև սուրբ առաքելությամբ: Հավաքվել ենք՝ աղոթելու  մեր սիրելի եղբայրների և զավակների հոգիների համար, ում նահատակության շնորհիվ խաղաղ  է մեր Հայրենին: Նրանց համար մահն անմահության սկիզբը եղավ… Մենք  հավաքվել ենք այստեղ՝ աղոթելու նաև Իրաքի եզդի ազգաբնակչության բազմաթիվ զոհերի հոգիների հանգստության համար:  Թող Աստված օրհնի մեր ջանքերն ու լսի մեր մրմունջ-աղոթքներն ի Տեր ուղղված. «Ո՛վ Հիսուս, Դու ես մեզ սովորեցրել, թե «հոգի առաւել է, քան զմարմին», թե ճշմարտության, բարու, հավատքի սիրո և Հայրենիքի համար արժե արյուն հեղել և կյանք տալ, որպեսզի ապրեն Եկեղեցին ու Ազգը, Կրոնն ու Հայրենիքը, Լեզուն և Գիրը… Ո՜վ ողորմած Աստված, անսահման ողորմությամբ հիշիր  նորոգ ննջած քաջազուն որդիներին Հայոց: Հիշիր ի Քրիստոս  ննջած ամեն մի ադամորդու և Քո Աջակողմյան դասին արժանի արա: Թող Քո Ամենատես Աչքն ու Ամենազոր Աջը հովանի և պահապան լինեն մեր ժողովրդին ի Մայր Հայաստան,  ի Արցախ և ի սփյուռս աշխարհի: Ամեն»

Արցախի անկախության տոնի օրը կազմակերպված երթը նպատակ ուներ ևս մեկ անգամ ցույց տալ, որ հայ ազգը համախմբված է արտաքին և ներքին մարտահրավերների առաջ, պատրաս­տակամ է միավորվել և միացյալ ուժերով պաշտպա­նել Հայաստանի Հանրապետու­թյան ու Լեռնային Ղարաբաղի Հանրա­պետության տարած­քային անձեռնմխելիու­թյունը և հայ ազգի խաղաղ ու արժանա­պատիվ գոյությունը պատմական տարածքներում:

Հոգեհանգստյան արարողության ավարտին ԱՀԹ Առաջնորդարանի բակում «Բերդ» պարային համույթի գեղարվեստական ղեկավար Կարեն Գևորգյանը հավաքված երիտասարդներին ներկայացրեց սգո պարերի շարքին դասվող Գորանի պարի խորհուրդն ու պատմությունը, բացատեց ու սովորեցրեց պարը: Միասնական պարը խաղաղության երթի լավագույն  ամփոփումը եղավ:

Լուսանկարները դիտեք այստեղ
Արարատյան Հայրապետական թեմի տեղեկատվական բաժին

 

ՍԵՐ-ԽԱՂԱՂՈՒԹՅՈՒՆ

ՍԵՐ-ՄԻԱՍՆՈՒԹՅՈՒՆ  

                  ՍԵՐ-ՀԱՄԵՐԱՇԽՈՒԹՅՈՒՆ

Սիրելի՛ զավակներ  Հայոց Սուրբ Եկեղեցու,

Անսահման հուզականությամբ, ցնծության և բերկրանքի ալեկոծումներով է համակված մեր հոգին:  Այսօրվա երթը խոսուն է և առավել քան վարակիչ, քանզի այն ոչ միայն խաղաղության, միասնության և համերաշխության ոգեկոչումն է, այլև  հայի հզոր ոգու,  անկոտրուն հավատքի և քրիստոնեական սիրո խոսուն վկան է ու առաջմղիչ ուժը:

Հայ Առաքելական Սուրբ եկեղեցին սուրբ անոթ է. նրա շնորհիվ  է սերունդներին փոխանցվում  Քրիստոսի սիրո և հայրենասիրության քարոզչությունը և մեր հայրերի սրբազան ավանդությամբ շաղախված լուսավորչահաստատ   հավատքը: Հայի եկեղեցին տևապես և անվարան կանգնած է իր ժողովրդի կողքին՝ կիսելով ոչ միայն  իր ազգի, այլև  յուրայինների ցավը:  Դրա վկայությունն են Վեհափառ Հայրապետի կողմից համայն եզդիների առաջնորդին ուղղված զորակցության գիրը,  և  ավելի վաղ գրված նամակը՝  Ադրբեջանի հոգևոր առաջնորդին, ուր դատապարտվում է մարդկային կյանքի հանդեպ իրականացվող ամեն տեսակի բռնություն.  «…հրադադարի ռեժիմի խախտման տևական փորձերը լուրջ վտանգ են ներկայացնում մեր տարածաշրջանի փխրուն, բայց թանկ ձեռքբերված խաղաղության համար:  …զոհվում են զինվորներ, խաթարվում է սահմանամերձ բնակչության խաղաղ կյանքը: Աստվածատուր մարդկային կյանքը սուրբ է, իսկ դրա իրավունքը՝  սրբազան, և ոտնձգությունները մարդկային կյանքի հանդեպ անթույլատրելի են»:

Սիրելինե՛ր, հայոց քաջազուն զավակները բոլոր ժամանակներում էլ աչքի են ընկել իրենց անձնազոհությամբ և նվիրումով, մինչև վերջ պայքարելու և հաղթության պսակն առնելու համառությամբ: Վստահաբար գիտենք, որ մեր  ուժը,  միասնության և արդար դատի վերջնական հաղթանակի գաղտնի ուժը  հայության ամբողջական և միասնական ինքնաարտահայության մեջ է:  Հայի պայքարն արդար է և օրհնյալ, ուստի «Քա՛ջ եղիր ու զորացի՛ր, մի՛ երկնչիր և մի՛ վախեցիր, մի՛ զարհուրիր նրանց ներկայությունից, քանի որ քո Տեր Աստվածն ինքը պիտի գնա ձեր առջևից, ձեր մեջ: Նա չի լքելու ձեզ ու չի անտեսելու ձեզ» (Բ Մնացորդաց 31:6):

Այսօր մենք հավաքվել ենք նաև սուրբ առաքելությամբ: Հավաքվել ենք՝ աղոթելու  մեր սիրելի եղբայրների և զավակների հոգիների համար, ում նահատակության շնորհիվ խաղաղ  է մեր Հայրենին: Նրանց համար մահն անմահության սկիզբը եղավ… Մենք  հավաքվել ենք այստեղ՝ աղոթելու նաև Իրաքի եզդի ազգաբնակչության բազմաթիվ զոհերի հոգիների հանգստության համար:  Թող Աստված օրհնի մեր ջանքերն ու լսի մեր մրմունջ-աղոթքներն ի Տեր ուղղված. «Ո՛վ Հիսուս, Դու ես մեզ սովորեցրել, թե «հոգի առավել է, քան զմարմին», թե ճշմարտության, բարու, հավատքի սիրո և Հայրենիքի համար արժե արյուն հեղել և կյանք տալ, որպեսզի ապրեն Եկեղեցին ու Ազգը, Կրոնն ու Հայրենիքը, Լեզուն և Գիրը… Ո՜վ ողորմած Աստված, անսահման ողորմությամբ հիշիր  նորոգ ննջած քաջազուն որդիներին Հայոց: Հիշիր ի Քրիստոս  ննջած ամեն մի ադամորդու և Քո Աջակողմյան դասին արժանի արա: Թող Քո Ամենատես Աչքն ու Ամենազոր Աջը հովանի և պահապան լինեն մեր ժողովրդին ի Մայր Հայաստան,  ի Արցախ և ի սփյուռս աշխարհի: Ամեն»:

Ջերմագին սիրով,  աղոթարար՝
Տ. ՆԱՎԱՍԱՐԴ ԱՐՔԵՊԻՍԿՈՊՈՍ ԿՃՈՅԱՆ

 

Աշակերտների օրհնության կարգ է կատարվել Արարատյան Հայրապետական թեմի եկեղեցիներում   

Օգոստոսի 31-ին և սեպտեմբերի 1-ին Արարատյան Հայրապետական թեմի առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի բարձր տնօրինությամբ թեմի քահանաներն այցելել են հանրակրթական դպրոցներ, կամ եկեղեցի են հրավիրել հանրակրթական դպրոցների սաներին ու աշխատակազմին, կատարել աշակերտների օրհնության կարգ, նրանց են փոխցանել Ն.Ս.Օ.Տ.Տ. Գարեգին Բ Ամենայն Հայոց Հայրապետի շնորհավորական ուղերձը:

Օգոստոսի 31-ին ԱՀԹ Նոր Նորքի Ս. Սարգիս եկեղեցու հոգևոր հովիվ Տ. Նորայար քահանա Բաղդասարյանի հրավերով եկեղեցու բակում էին հավաքվել Նոր նորք համայանքի դպրոցիների աշակերտներն՝ իրենց ուսուցիչների ու ծնողների ուղեկցությամբ: Տեր հայրը բոլորին փոխանցեց Վեհափառ Հայրապետի օրհնության խոսքը: Եկեղեցու քահանաները  աշակերտների օրհնության կարգ կատարեցին:

Սեպտեմբերի 1-ին Առաջնորդանիստ Ս. Սարգիս եկեղեցու ծիսակատար Տ. Պարթև քահանա Մուրադյանը և Հովհաննես քահանա Ներսեսյանն այցելել են Հակոբ Կարապենցի անվան Երևանի թիվ 6  հիմնական դպրոց և Շ.Շահամիրյանի անվան կրթահամալիր և նույն եկեղեցու ծիսակատար Տ.Շահե քահանա Հայրապետյանն այցելեց Ս.Սպանդարյանի անվան թիվ 24 հիմնական դպրոց:

ԱՀԹ Երևանի Ս. Հովհաննես եկեղեցու հոգևոր հովիվ Տեր Վահան քահան Առաքելյանն այցելեց Էռնեստ Թելմանի անվան թիվ 13 դպրոց: Ուսումնական տարվա սկիզբը այստեղ մեկնարկել են Տերունական աղոթքով, ապա Տեր հայրը աշակերտի օրհնության կարգ է կատարել և ընթերցել  Վեհափառ Հայրապետի ուղերձը:

ԱՀԹ Երևանի Զորավոր Ս.Աստվածածին եկեղեցու ծիսակատար Տեր Զենոն քահանա Բարսեղյանը այցելեց Նոր-Արեշի Գ.Զոհրապի անվան դպրոց:

ԱՀԹ Ավանի Ս.Աստվածածին եկեղեցու հոգևոր հովիվ Տեր Հարություն քահանա Ավագյանը գիտելիքի տոնը շնորհավորեց և օրհնության խոսք ասաց Երևանի թիվ 171,87,104 և 124 դպրոցներում:
Նորագավիթի Ս.Գևորգ եկեղեցու հոգևոր հովիվ Տ.Վարդան քահանա Գափոյանն այցելեց Նորագավիթի թիվ 98 և 140 դպրոցներ:

Մալաթիայի Ս.Աստվածածին եկեղեցու հոգևոր հովիվ Տ.Տիրան քահանա Առուշանյանն այցելեց Մալաթիայի թիվ 195 դպրոց և նույն եկեղեցու ծիսակատար Տ.Գաբրիել քահանա Պետրոսյանն այցելեց Վ.Թեքեյանի անվան թիվ 92 դպրոց:

Քանաքեռի Ս.Հակոբ եկեղեցու հոգևոր հովիվ Տ.Սահակ ավագ քահանա Սահակյանը եկեղեցում օրհնեց թիվ 85,103 և 117 դպրոցների աշակերտներին:

Արաբկիր համայնքի հոգևոր հովիվ Տ.Բաբկեն քահանա Ավագյանն այցելեց Ն.Զարյանի անվան թիվ 130 դպրոց:

Արարատի Ս. Հակոբ եկեղեցու հոգևոր հովիվ Տ. Դավիթ քահանա Սահակյանն այցելեց Արարատ համայնքի Վազգեն Սարգսյանի անվան թիվ 1,  ապա՝ 2 և  3 դպրոցներ, աշակերտների օրհնաթյան կարգ կատարեց և մաղթեց արգասավոր ուսումնական տարի:

Արարատի մարզի մրգավան գյուղի Ս.Հակոբ եկեղեցու հոգևոր հովիվ Տ. Մխիթար քահանա Ալոյանն այցելեց Արտաշատի թիվ 3 դպրոց:

Արարատի մարզի Բյուրավանի Ս.Գրիգոր Լուսավորիչ եկեղեցու հոգևոր հովիվ Տ.Ղազար քահանա Պետրոսյանը այցելեց Բյուրավանի և Նշավանի միջնակարգ դպրոցներ:

Արգավանդի Ս. Սարգիս եկեղեցու հոգևոր հովիվ Տ.Գրիգոր քահանա Հովհաննիսյանը գիտելիքի օրվա կապակցությամբ այցելեց և օրհնեց Արգավանդ, Գեղանիստ, Արբաթ, Ազատաշեն, Խաչփար, Ղուկասավան գյուղերի դպրոցների աշակերտներին, ուսուցիչներին և ծնողներին: Բոլոր դպրոցների առաջին դասարանցիներին տեր հայրը նվիրեց ամենօրյա աղոթագրքեր:

Արարատի մարզի Վերին Արտաշատ գյուղի Ս.Աստվածածին եկեղեցու հոգևոր հովիվ Տ.Դավիթ քահանա Կյուրեղյանն այցելեց Վերին Արտաշատի, Նորաշենի և Արտաշատի Հ.Թումանյանի անվան թիվ 2 դպրոցներ:

Արարատի մարզի Դվինի Ս.Հարություն եկեղեցու հոգևոր հովիվ Տ.Երվանդ քահանա Բաբայանն այցելեց Ներքին Դվինի միջնակարգ դպրոց և եկեղեցում օրհնեց հարակից գյուղերից եկած աշակերտներին:

Արարատի մարզի Վեդիի Ս.Աստվածածին եկեղեցու հոգևոր հովիվ Տ.Հովակիմ քահանա Հարությունյանն այցելեց Արալեզի և Վանաշենի միջնակարգ դպրոցներ:

Արարատի  մարզի Դալարի Ս.Աստվածածին եկեղեցու հոգևոր հովիվ Տ.Եփրեմ քահանա Հարությունյանն այցելեց Դալարի միջնակարգ դպրոց:

Արարատի  մարզի Արևշատ գյուղի Ս.Աստվածածին եկեղեցու հոգևոր հովիվ Տ.Արարատ քահանա Օրդյանն այցելեց Արևշատ,Աբովյան, Վարդաշեն համայնքների միջնակարգ դպրոցներ և Մասիսի թիվ 5 ավագ դպրոց:

Արարատի  մարզի Մասիս քաղաքի Ս.Գևորգ եկեղեցու հոգևոր հովիվ Տ.Աշոտ քահանա Սաֆարյանն այցելեց Մասիսի թիվ 1,2,3,4,5,6 և Նորաբացի միջնակարգ դպրոցներ:

Արարատի  մարզի Մխչյանի Ս.Հովհաննես եկեղեցու հոգևոր հովիվ Տ. Միքայել քահանա Նուրիջանյանն այցելեց Մխչյանի միջնակարգ դպրոց:

Լուսանկարները դիտեք այստեղ

 

Արաքսավանում կատարվեց եկեղեցու հիմնարկեքի արարողություն

Այսօր ՝օգոստոսի 23-ին,  Արարատյան Հայրապետական թեմի Արաքսավան համայնքում Արմավիրի թեմի առաջնորդ գերաշնորհ Տ. Սիոն եպիսկոպոս Ադամյանի ձեռամբ օծվեցին եկեղեցու 16 հիմնաքարերը:  Սրբազան հորն ուղեկցում էին ԱՀԹ առաջնորդանիստ Ս. Սարգիս եկեղեցու խորհրդակատար Տ. Շահե քահանա Հայրապետյանը, Մխչյանի Ս. Հովհաննես եկեղեցու հոգևոր հովիվ Տ. Միքայել քահանա Նուրիջանյանը, Մարմարաշենի Ս. Գևորգ եկեղեցու հոգևոր հովիվ Տ. Թաթուլ քահանա Գասպարյանը, Ուկրաինայի թեմի Դոնեցկ և Լուգանսկ մարզերի հոգևոր հովիվ Տ. Հուսիկ քահանա Նուրիջանյանը, ԱՀԹ Առաջնորդանիստ Ս.Սարգիս եկեղեցու սպասավոր Հովհաննես սարկավագ Ներսեսյանը, Արմավիրի թեմի առաջնորդի օգնական Ավետիս սարկավագ Ժամկոչյանը:  

Արարողությանը ներկա էին Արարատի մարզպետ Ռուբեն Աբրահամյանը, եկեղեցու բարերար Արարատ Սայադյանը, համայնքների ղեկավարներ, գյուղի բնակիչներ, հյուրեր:   

Հիմնարկեքի արարողության ավարտին Տ. Սիոն Սրբազանն ընթերցեց ԱՀԹ առաջնորդական փոխանորդ Տ. Նավասարդ արքեպիսկոպոսի ուղերձն, ուր մասնավորապես ասվում է. «Սիրելի՛ արաքսավանցիներ, Հայրապետական օրհնություններն ենք բերել ձեզ Մայր Աթոռ Սուրբ Էջմիածնից՝ կառուցվելիք եկեղեցու հիմնարկեքի բարեբաստիկ առիթով:  Այսօր եկեղեցասեր զավակ Արարատ Սայադյանի  անշահ ջանքերի և բարերարության  շնորհիվ   Արաքսավանի օրհնաբեր հողի վրա կառուցվում է Աստծո և մեր հավատքի տունը,  որն ամենքիս առաջնորդելու է «ի խաւարէ ի լոյս, յապականութենէ  յանապականութիւն, յանգիտութենէ ի գիտութիւն ճշմարտութեան»:

Սիրելի՛ արաքսավանցիներ, մեր կյանքը պիտի լինի Աստծո կամքին համաձայն ապրված մի կյանք: Մեր սիրելի բարերարն իր բաժինը բերեց, որպեսզի դուք եկեղեցի ունենաք:  Դուք էլ անմասն չպիտի մնաք այս աստվածահաճո առաքելության մեջ: Ձեր եկեղեցասիրությամբ, տևական ներկայությամբ, անդադար աղոթքներով հարատև պիտի  դարձնեք  այս եկեղեցին, որպեսզի այն դառնա ձեր հոգևոր կյանքի սնուցիչ աղոթատունը, ամենքիդ զորացման, երեխաների դաստիարակության և ազգայինի պատկանելության դպրոցը: «Եկեղեցաշինությունը իրական հայրենաշինություն է, որովհետև եկեղեցին սոսկ քարեղեն կառույց չէ, այլ հոգևոր ու բարոյական արժեքների գանձարան է, իսկ առանց հոգևոր և բարոյական արժեքների անկայուն ու անապագա է ցանկացած հասարակություն և պետություն» (Գարեգին Բ Հայրապետ):

Եկե՛ք աղոթական հոգով միասնաբար խնդրենք մեր Բարեսեր Աստծուն, որ Իր Աջի ներքո անխռով պահի մեր հայրենին, զորավիգ լինի եկեղեցու կառուցմանը և արժանացնի այն  օրհնյալ պահին, երբ պիտի լսենք զանգերի ղողանջն ու հավատի և սիրո ուժով կերպարանափոխված՝ ներս մտնենք՝ լսելու Տիրոջ սիրառատ, կանչող ձայնն  ու երանավետ խոստումը. «Մի՛ վախեցիր, փոքրի՛կ հոտ, որովհետև ձեր Հայրը հաճեց տալ  ձեզ արքայությունը» (Ղուկաս ԺԲ 3): Ամեն»:

Արաքսավան գյուղը եկեղեցի չի ունեցել: Շուտով ծնունդով արաքսավանցի, մոսկվաբնակ Արարատ Սայադյանի բարերարությամբ այստեղ վեր կխոյանա կենտրոնագմբեթ եկեղեցին:   

Այսօր Տ. Սիոն Սրբազանի ձեռամբ օծվեց նաև ԱՀԹ Մխչյանի Ս. Հովհաննես եկեղեցու զանգը: Այն եկեղեցու հոգևոր հովիվ Տ. Միքայել քահանա Նուրիջանյանի և հավատացյալների ջանքերով ձեռք է բերվել Ռուսաստանից: 

Արարատյան Հայրապետական թեմի մամլո դիվան

 

ԱՐԱՐԱՏՅԱՆ ՀԱՅՐԱՊԵՏԱԿԱՆ ԹԵՄԻ ԱՌԱՋՆՈՐԴԱԿԱՆ ՓՈԽԱՆՈՐԴ ԳԵՐԱՇՆՈՐՀ ՏԵՐ ՆԱՎԱՍԱՐԴ ԱՐՔԵՊԻՍԿՈՊՈՍ ԿՃՈՅԱՆԻ ԽՈՍՔԸ՝  ԱՐԱՔՍԱՎԱՆԻ ԵԿԵՂԵՑՈՒ ՀԻՄՆԱՐԿԵՔԻ ԱՌԹԻՎ

Սիրելի՛ արաքսավանցիներ,

Հայրապետական օրհնություններն ենք բերել ձեզ Մայր Աթոռ Սուրբ Էջմիածնից՝ կառուցվելիք եկեղեցու հիմնարկեքի բարեբաստիկ առիթով:  Այսօր եկեղեցասեր զավակ Արարատ Սայադյանի  անշահ ջանքերի և բարերարության  շնորհիվ   Արաքսավանի օրհնաբեր հողի վրա կառուցվում է Աստծո և մեր հավատքի տունը,  որն ամենքիս առաջնորդելու է «ի խաւարէ ի լոյս, յապականութենէ յանապականութիւն, յանգիտութենէ ի գիտութիւն ճշմարտութեան»:

Սիրելի՛ արաքսավանցիներ, մեր կյանքը պիտի լինի Աստծո կամքին համաձայն ապրված մի կյանք: Մեր սիրելի բարերարն իր բաժինը բերեց, որպեսզի դուք եկեղեցի ունենաք:  Դուք էլ անմասն չպիտի մնաք այս աստվածահաճո առաքելության մեջ: Ձեր եկեղեցասիրությամբ, տևական ներկայությամբ, անդադար աղոթքներով հարատև պիտի  դարձնեք  այս եկեղեցին, որպեսզի այն դառնա ձեր հոգևոր կյանքի սնուցիչ աղոթատունը, ամենքիդ զորացման, երեխաների դաստիարակության և ազգայինի պատկանելության դպրոցը: «Եկեղեցաշինությունը իրական հայրենաշինություն է, որովհետև եկեղեցին սոսկ քարեղեն կառույց չէ, այլ հոգևոր ու բարոյական արժեքների գանձարան է, իսկ առանց հոգևոր և բարոյական արժեքների անկայուն ու անապագա է ցանկացած հասարակություն և պետություն» (Գարեգին Բ Հայրապետ):

Եկե՛ք աղոթական հոգով միասնաբար խնդրենք մեր Բարեսեր Աստծուն, որ Իր Աջի ներքո անխռով պահի մեր հայրենին,  զորավիգ  լինի եկեղեցու կառուցմանը և արժանացնի այն  օրհնյալ պահին, երբ պիտի լսենք զանգերի ղողանջն ու հավատի և սիրո ուժով կերպարանափոխված՝  ներս մտնենք՝ լսելու   Տիրոջ սիրառատ, կանչող ձայնն  ու երանավետ խոստումը. «Մի՛ վախեցիր, փոքրի՛կ հոտ, որովհետև ձեր Հայրը հաճեց տալ  ձեզ արքայությունը» (Ղուկաս ԺԲ 3): Ամեն:

Ջերմագին սիրով և օրհնությամբ՝
Տ. ՆԱՎԱՍԱՐԴ ԱՐՔԵՊԻՍԿՈՊՈՍ ԿՃՈՅԱՆ

 

Արարատյան Հայրապետական թեմի երիտասարդները մասնակցում են «Բազե»-ին

Օգոստոսի 22-ին Արարատյան Հայրապետական թեմի երիտասարդաց միությունների հոգևոր պատասխանատու արժանապատիվ Տ.Պետրոս ավագ քահանա Մալյանը, Հովհաննես սարկավագ Ներսեսյանի և թեմի մի խումբ երիտասարդների հետ այցելեց «Բազե» համահայկական ճամբար:

Այս տարի ճամբարին որպես հյուր մասնակցում են  նաև ԱՀԹ երիտասարդաց միությունների մի  խումբ երիտասարդներ:

Տեր  հայրը հանդիպեց ճամբարի մասնակցներին, խոսեց  հոգևոր և ազգային խնդիրների, անելիքների մասին, անդրադարձավ երիտասարդների հասարակական և եկեղեցական գործունեության մեջ ակտիվ մասնակցության կարևորությանը, պատասխանեց նրանց հուզող հարցերին:

Հանդիպման ընթացքում ցուցադրվեցին թեմական մի շարք միջոցառումների մասին պատմող ֆիլմեր: Երիտասարդները միասին հայրենասիրական երգեր կատարեցին:

Հանդիպման ավարտին Տ. Պետրոսն օրհնեց երիտասարդներին՝ կոչ անելով հավատարիմ մնալ երեք սրբություններին ՝հայոց ազգին, Հայ Առաքելական Սուրբ եկեղեցուն և հայկական պետությանը:

Լուսանկարները դիտեք այստեղ
Արարատյան Հայրապետական թեմի  մամլո դիվան

 

Թմրամոլությունից ազատագրվելու «12 քայլ» ծրագիրը կիրականացվի ԱՀԹ «Ցերեկային կենտրոնում»

Այսօր՝ օգոստոսի 22-ին, Արարատյան Հայրապետական թեմի առաջնորդարանում տեղի ունեցավ «Թմրամոլության վնասներն ու դրանցից  ձերբազատվելու ուղիները»  թեմայով քննարկում: Այն կազմակերպել էին Արարատյան Հայրապետակայն թեմի «Ցերակային կենտրոնը» և մամլո դիվանը:

Քննարկմանը մասնակցում էին  «Անանուն թմրամոլներ» միջազգային կազմակերպության ռուսաստանյան ներկայացուցիչները, ՀՀ առողջապահության նախարարության, ԵՀԽ հայաստանյան Կլոր Սեղան հիմնադրամի,  Հայկական Կարմիր խաչ ընկերության, Նարկոլոգիական կլինիկայի, ՁԻԱՀ-ի կանխարգելման հանրապետական կենտրոնի, «Դրական մարդկանց հայկական ցանց» ՀԿ ներկայացուցիչներ:

ԱՀԹ «Ցերեկային կենտրոնի» տնօրեն Տ. Գրիգոր քահանա Գրիգորյանը Տերունական աղոթքով սկսեց հանդիպումը, ապա ներկաներին փոխանցեց Տ. Նավասարդ արքեպիսկոպոսի օրհնությունը: Տեր հայրը ներկայացրեց ԱՀԹ «Ցերեկային կենտրոնը», որ 2011թ հիմնադրվել է Ն.Ս.Օ.Տ.Տ. Գարեգին Բ Ամենայն Հայոց Հայրապետի օրհնությամբ, Տ. Նավասարդ Սրբազանի ու ԵՀԽ հայաստանյան Կլոր սեղան հիմնադրամի աջակցությամբ: Կենտրոնը զբաղվում է թմրամոլների և ՄԻԱՎ-ով ապրող մարդկանց ու նրանց հարազատների հետ հոգևոր և հոգեբանական աշխատանքների կազմակերպմամբ:

«Անանուն թմրամոլնե

Կարդալ Ավելին

«Ինչքան շատ հասկանան Աստվածաշունչը, այնքան ավելի հրաշագեղ այն պիտի թվա» (Գյոթե) Ս. Գրքին ծանոթանալու, բովանդակությունը յուրացնելու նպատակով Ձեզ առաջարկում ենք Ս. Գրքի ընթերցանությունը` հատվածաբար բաժանումով: Այսինքն, սա յուրօրինակ մի ծրագիր է Աստվածաշունչը սերտելու համար, որի շնորհիվ հնարավոր է ըստ բաժանումների ընկալել Աստվածաշունչ մատյանը որպես մեկ ամբողջություն:

Կարդալ Ավելին

Հայր մեր, որ յերկինս ես,
Սուրբ եղիցի անուն Քո.
Եկեսցէ արքայութիւն Քո.
եղիցին կամք Քո որպէս յերկինս` եւ յերկրի.
Զհաց մեր հանապազորդ տուր մեզ այսօր.
Եւ թող մեզ զպարտիս մեր,
որպէս և մեք թողումք
մերոց պարտապանաց.
Եւ մի' տանիր զմեզ ի փորձութիւն.
այլ փրկեա զմեզ ի չարէ.
զի քո է արքայութիւն եւ զօրութիւն եւ փառք
յաւիտեանս. ամէն: