Սուրբ Ծնունդ ու Ամանոր. ներկայացնում են երեխաները
«Սերը կփրկի աշխարհը». այս խորագիրն ուներ Արարատյան Հայրապետական թեմի Սուրբ Սարգիս Կիրակնօրյա դպրոցի սաների ամանորյա միջոցառումը: Առաջնորդարանի դահլիճում այն մեկնարկել է ԱՀԹ Առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանի օրհնությամբ ու աղոթքով:
Դպրոցի ավագ ու կրտսեր խմբերի սաները պատմել են Սուրբ Ծննդի, հայկական Ամանորի մասին, ներկայացրել «Սուրբ ծննդյան կարմիր կոշիկներ» բեմադրությունը։ Ներկա էին նաև սաների ծնողները:
Միջոցառումն իրականացվել է ԱՀԹ Սուրբ Սարգիս եկեղեցու հոգևոր հովիվ Տեր Պետրոս ավագ քահանա Մալյանի նախաձեռնությամբ:
Օրվա ավարտին երեխաներին էին սպասում անակնկալներ՝ «Արարատ» միության երիտասարդների կողմից:
- 2023-12-25